أحاسيس
هنالك أياد تقترب منا...... فتخيفنا
نقاوم
لكنها تخيفنا
نكابر
لكنها تخيفنا
تنزع منا الشخص الراشد
لنتحول الى أطفال
ربما
لأن الام الطفولة لا تنسى
ربما
لأن ضعف الأطفال لا ينسى
ربما
لأن احلام الأطفال لا تنسى
ربما
لأن ذكريات الطفولة لا تنسى
ربما
لأن أيام الخير و الشر لا تنسى
أياد
أحببناها أم كرهناها
تخيفنا
لكنها
تصالحنا
و مع ذلك
نخافها
كالأطفال
هناك 12 تعليقًا:
العزيزة دائما
سبق وقلت فى أكتر من مؤتمر صحفى أن الخوف يسلب الانسان أول أهم خطوة للوصول لأى شئ
الخوف سوف يسلبك
الاختيار
ماجد استيفن
مستشار الأمن والتيكتيك
فى بلاد تركب الكتاكيت
وصاحب الكتاب الأكثر مبيعاّ فى العالم
الماحى فى جميع النواحى
19000000 نسخة
حقوق النشر والمكوة
مسلوقة للمؤلف
دومتى ترين الجانب المشرق فى الطفولة وفى كل شئ
هذا ما أتمناه لكى من قلبى
الخوف
حتى بخاف اتكلم عليه
:(
على فكرة انا عديت على كل البوستس الي فاتت وسبت اثاري هناك
ههه
عندك عين رقيقة أوي ..بتختاري كلمات أقل حاجة تتقال عنها إنها إبداع
بحييكي وبشكرك للإحساس اللي ميتوصفش اللي وصلتيني ليه النهاردة
سلام عليكم
احساسك عالي قوي
و كلنا بنخاف
اه فعلا
محدش مش بيخاف
و من حاجات كتير
في بيخاف من الحب عشان مينجرحش
و في بيخاف من الضلمه عشان ميتسرعش
و في بيخاف من نفسه عشان ميتظلمش
و في بيخاف من الناس عشان ما يندبحش
لو فضلت اقول عمري ما هخلص
تحياتي
ماااجد
انا سعيدة جدااااا يا ماجد بالرجوع مبلاش الغيبة الطويلة دي؟؟؟
و فين الشكولاتة؟
انا بحب الدارك شو كلايت
:)
على فكرة انا بكتب البوستات الاخيرة دي و خصوصا ده و بقول يا رب ماجد يزورنا
ان شاء الله الجملة دي تلاقيها في ميزان حسناتك
لقد تحررت بالفعل من الخوف نعم تحررت من الخوف من أى شئ تتخيليه أو لا تتخيليه
وطبعا فيما عدا خوف الله الذى حررنى من كل أنواع الخوف الأخرى
رائعة جملتك يا ماجد والله.....بقولك ايه ما تنشر الكتاب و انا حساعدك في التوزيع ههههه..اه دلوقتي فهمت انت بتكتب فيه عشان كدة مختفي مش كدة
؟؟؟؟
;)
مرسي يا ماجد و أنا من كل قلبي أتمنالك كل خير يا ماجد....و اجمل الابحارات يا رب
:)
أميرة
بصي للجملة دي ..ده اقتباس من عند العزيز ماجد استفان
لقد تحررت بالفعل من الخوف نعم تحررت من الخوف من أى شئ تتخيليه أو لا تتخيليه
وطبعا فيما عدا خوف الله الذى حررنى من كل أنواع الخوف الأخرى
حكمة جميلة يا مرمر مش كدة؟
اه قريت و سعيدة جداااااا بتواجدك يا ميرة جدااا
سلااام
ضياء الجميل
من غير مجاملة يا ضياء العين هي اللي بتشوف و تعرف تشوف و انا لاحظت من تعليقاتك و من كتاباتك عشان قلّبت شوية في ارشفيك انك انت صاحب العين الجميلة
سعيدة جداااا يا ضياء بشعورك
تحياتي و اشكرك على المتابعة
و عليكم السلام و رحمة الله
:)
PRoid
اهلا بيك و عندك حق لو فضلنا نقول مش حنخلص خاااالص
الخوف جميل بس بحدوود انا بشوف انو عند الكثير منا خوف عائق و خوف هروب ...ممكن لاننا تربينا على الخوف
الخوف المحمود هو الخوف المسؤول
أشكرك على كلماتك و انا سعيدة انو في كل الناس دي اللي ما شاء الله لسة بتحس
تحياتي
:)
معلش بقى سامحينى , جيت متأخر , بس غصبن عنى
مساءك معطر بالورود و الياسمين يا ندى
زى ما قلتى يا ندى , فيه خوف يحمى وخوف يدمر
الخوف من الفشل يدمر وأسوء من الفشل نفسه
الخوف من التجريب يدمر
فيه جملة حلوة أوى أوى لغاندى بتقول
"
You may never know what results come of your action, but if you do nothing there will be no result
"
ودى بتشمل المعنين دول من وجهة نظرى
وفيه خوف مش محتاج الا المواجهة
وطبعا فى خوف بيحمى لأنه بيترتب عليه تخطيط بشكل أو بأخر , زى الخوف من المستقبل .. الخوف من المستقبل ممكن يدمر وممكن يحمى لو تم التخطيط الجيد للمستقبل
الخوف زى أى حاجة فى الدنيا ليه حدين
أٌقصى اليمين ماينفعش , أقصى اليسار ما ينفعش .. والوسط هو الحل الأمثل
تدويناتك حلوة أوى يا ندى , وبتلمس الروح أوى
:)
احمد
لأ تأخير و لا حاجة دايما تنور ...انا عارفة المشوار بالطيارة طويل ههه
مساء النور و الخير كلو
ها... يا يوجا ...غاندي ابو الحكم عشان كدة انا كمان بحب الناس دول
(:
انت قلت المفيد
الخوف زى أى حاجة فى الدنيا ليه حدين
أٌقصى اليمين ماينفعش , أقصى اليسار ما ينفعش .. والوسط هو الحل الأمثل
و انا بقولك انو في حاجة في تربية الطفل العربي غلط و هي مليون حاجة ...لكن بيعلمونا نخاف اوووووووي.... حتى الحب بالخوف
في رأيي في ثلاثة حجات مهمة جدا: حب النفس و الثقة بالنفس ....و بالتالي حب الاخرين بطريقة صحية
احترام النفس و بالتالي احترام الاخرين
تكون مسؤوول عن نفسك و بالتالي عن اللي حواليك
و طبعا تحيا الحرية و زي ما العزيز ماجد قال:
لقد تحررت بالفعل من الخوف نعم تحررت من الخوف من أى شئ تتخيليه أو لا تتخيليه
وطبعا فيما عدا خوف الله الذى حررنى من كل أنواع الخوف الأخرى
حخرج شوية عن الموضوع يا احمد معلش عايزة اتكلم معاك....انا عندي غيرة كبيرة من الغرب...مش الغيرة الحماسية و لا الكره الابله اللي انت عارف انو بلا شك اقل ما يقال انو يعصبني ...لكن غيرة اني اتمنى اننا نفكر شوية في حجات زيهم
كالتخطيط مثلا....اه ...في مليون عائق ...لكمن معلش نجرب قد ما نقدر نفكر في التغيير بدل من التوريت....هنا انا بتكلم عن توريث نفس التربية لاجيال نحن سنكون مسؤولون عنها وهي بعدين حتكون مسؤولة عنا و ده يعني في حد ذاتو شبه مستحيل عشان زي انت ما قلت اقصى اليمين و اقصى اليسار حيجيبو كل بلاوي الدنيا للاجيال القادمة
مش عارفة ساعات اشوف ان الدنيا سودة و ساعات مبقاش عايزة اشوف
لكن لازم ننشر حاجة على قد ما نقدر
مرسي يا احمد و من غير ما كرر انا اسعد جدااااااااااااا بتواجدك ....و دايما بروح اعمل يوجا عندك حتى لما معلقش ...ادخل زيارة
سلاااام
:)))))))
ربنا يخليكي ..ده من ذوقك ..ومش تشكريني علي حاجة ..أنا بس عجبني الكلام أوي مش بجامل يعني
يلا ربنا يوفقك
بس براحة أنا مش بلحق أخرج من المود بتاع البوست بتنزلي اللي بعده
هيحصللي ادمان كده
سلام عليكم
ضياء
هههه..ادمان يا رب دايما
اوكي ححسيبك شوية في مود اخر بوست
((:
شكرا على الدعاء يا ضياء و يا رب يوفقنا جميعا و يضوي طريقنا
مرسي ليك على المتابعة
في امان الله
و عليكم السلام و رحمة الله
إرسال تعليق