امييل ارتعاشات...* لم أفهم شيئا* لكني أنفذ
بجد يا جماعه انا عايز اشكركم بجد على الوقت اللي قضيناه سوا بجد الفتره ديه عمري ما هنساها في حياتي
انا يا جماعه هقفل البلوج...ظروفي النفسيه لا تسمح و ظروف تانيه مقدرش احكيها بس بجد مش هقدر اسيب البلوج و اكمل فيه..
محبتش اكتب توبيك عشان عارف انكم عايزني معاكم بس مش عايزكم تصعبوها عليه زياده...
انا بحبكم كلكم...واحد واحد والله...و هنفضل اصخاب على طول حتى من غير بلوج....
ده ايميلي للي عايز يضيفني honeybasha@yahoo.com
Nada:
لاختي الكبيره اللي ربنا رزقني بيها ...بجد انا بحبك في الله و ربنا عارف اني بحس انك اختي بجد...فرحت اوي لما رجعتي للبلوجر ده كان يوم عيد ميلاد جديد
ليه و الله...اتمنى نفضل صحاب على طول يا ندود يا جميله....
Nothing:
اختي التانيه و الله العظيم...بلوجك من اجمل البلوجات اللي شفتها...حافظي عليه و استمري ربنا يوفقك يا رب...
خدي بالك من نفسك و من صحابك و ربنا يخليكوا لبعض يا رب...
Groom:
حبيبي يا جروم و الله....اول حب على البلوجر بجد...ربنا يوفقك يا رب و تيجي بالسلامه و تتجوز و تملى البيت عيال يا رب...هتوحشني و الله..
Bani-adam:
يا شاعر يا عظيم....ولا يهمك من الكومنتات شعرك حلو...هي البلوجات الادبيه بتبقى التعليقات عليها قليليه...
هتوحشني كتاباتك اوي و الله...هبقى احاول اشقر عليك ان شاء الله...
تخاريف:
اختي الدكتوره....هريحك خلاص انا في طب القاهره...سنه خامسه....اطمني مش معاكي..:)
هتوحشيني و الله و هتوحشني كتابتك
Noony:
نوني يا منوراني...:)....من اطيب الناس اللي حسيبتهم على البلوجر و الله......حبيتك من اول كومينت و الله العظيم...
اتمنى نفضل صحاب على طول يا رب..
hoda:
من اعقل البلوجريه اللي شفتهم و الله...بلوجك هادي..تعليقاتك هاديه بجد برتاح نفسيا لما باجي عندك و الله العظيم..
Reema:
تاني اعقل بلوج بعد هدى و الله :)...التسجيل بتاعك كان حلو اوي اوي و الله.....اسمك جميل اوي..
Reemo:
بلوج بنوتاتي كده...رومانسي و رقيق...حافظي عليه يا اختي....ربنا يكرمك يا رب
نبيذ:
اختي...اتمنى تكوني بخير...{بنا يحفظك يا رب....و مش عايزك تفيبي على الناس او تختفي فجأه كده...
لكل الناس هتوحشوني بجد و الله العظيم....ربنا ما يحرمني منكم ابدا ابدا يا رب.....بجد كنت بستنى تعليقاتكم كلكم....حتى اللي جيه علق مره واحده و مجاش تاني بجد بحبكم كلكم اخواتي ولاد و بنات
استمتعت معاكم جدا والله كتابتكم اثرت فيه بشكل مقدرش اوصفه
كل واحد عنده بلوج يحافظ عليه ارجوكم...
هتوحشوني اوي...
انا في ناس معرفتش اجيب ايميلاتهم مش محطوطه في البروفيلات بتعتهم...هعتمد عليكي يا ندى انك تقولي للناس اللي كتبت اساميهم و عارف ايميلاتهم انهم يفتحو ايميلاتهم يقروا المايل ده و الناس الل مش حاطه ايميلاتها في البروفيل و حد عارف ايميلاتها يعملها فورورد للمايل ده...
هعتمد عليكي يا ندى يا أختي...
انا هقفل المايل و البلوج خالص دلوقتي...
خقيقي استمتعت معاكم يا اخواتي..
لو حد هيتطوع و ينشر المايل ده في بلوجه يبقى جزاه الله كل خير عشان محدش يزعل مني بس....ربنا يكرمك يا رب....
تحديث
رعوشة والله تعودت تصبح علية و أمسي عليك
ربنا معاك
